منتديات موجة العرب

برجاء التسجيل معانا و شكرآ لآختياركم منتدانا مح تحيات محمد هشام

منتديات موجة العرب

منتديات موجة العرب | افلام عربي | افلام اجنبي | اغاني | شعبي | كليبات | مصارعه | برامج | العاب|اسلاميات|
 
الرئيسيةاليوميةس .و .جالأعضاءالمجموعاتالتسجيلدخول
اهــلا وسهلآ بييك فى المنتدى برجاء تصفح موقعنا عن طريق هذا البرنامج اولآ عشان الأكواد اضغت هنا لتنزيل البرنامج  و لابد التسجيل عشان تشارك معانا هتدوس تسجيل و تفعل التسجيل عن طريق الإيميل !!           

شاطر | 
 

 لبيبة الهبلة و كريم حسن شحاتة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حدوتة مصرية

avatar

|| تآريخ تسجيلي بآلمنتدي ♥ : 18/11/2010
|| عدد مشآآركاتي ♥ : 31
|| الجّّنس ♥ : انثى
|| الأقامة ♥ :
|| عدد نقآآطي ♥ : 95
|| آلعمرـرـر ♥ : 22

مُساهمةموضوع: لبيبة الهبلة و كريم حسن شحاتة   الأحد نوفمبر 21, 2010 6:42 pm

جموع المتظاهرين الذين يحملون اللافتات حالوا بيني و بين الطرق المؤدية إلى حديقة الحيوان ،
حاولت الانحراف بسيارتي أملا في الهروب لأي طريق فرعي و لا جدوى ،
ما العمل الآن ؟
تركت الأولاد وحدهم هناك ،
يا رب سهلها و هات الفرج من عندك ،
قررت النزول من سيارتي و اللحاق بالأولاد و لو سيرا على الأقدام ،
الزحام الشديد يحول دون فتح بابي المغلق ،
أخذ البعض منهم يدق سيارتي بينما هتف الباقون على وقع دقاتهم )
ـ كفاية .. حرام .. كفاية .. حرام .....
( فتحت زجاج نافذتي ، حاولت إثنائهم عما يفعلون ، و لا فائدة ،
لم يلتفت أحد منهم لصرخاتي ،
تجمع البعض حول السيارة يهزونها بشدة ،
تعالى هتافهم )
ـ كفاية .. حرام ..... ( أخذت أصرخ فيهم )
ـ و أنا مال أمي أنا ؟ ذنب عربيتي إيه طيب ؟
( و لا حياة لمن تنادي ، بدأت قلة منحرفة منهم يقذفون زجاج سيارتي بالحجارة ، عندها قررت الهرب من النافذة ، أمسكت ببرواز النافذة ، سحبت جسدي خارج السيارة ، تشبثت ببعض الواقفين و لكنهم أفلتوني عنوة فسقطت تحت الأقدام ، حاولت النهوض حتى نجحت في الوقوف ، حملتني الجماهير بين موجاتها بعيدا ، أخذت أنظر متحسرا إلى سيارتي التي تكالب عليها الأكلة حتى اختفت عن ناظري ،
وجدتني أهتف معهم )
ـ كفاية .. حرام .. كفاية ...
( لا حول و لا قوة إلا بالله ، و ما ذنبي أنا ؟ و ما ذنب سيارتي المسكينة ؟
فجأة ،
وجدت يدا تضرب ظهري بقوة ،
التفت و إذا بالخالة لبيبة تحمل إحدى اللافتات ،
أخذت تصرخ )
ـ كفاية .. حرام .. كفاية .. حرام .....
ـ خالة لبيبة ؟؟؟
ـ إزيك يا أستاذ ، قول ورايا ( أخذت تهتف ) كفاية .. حرام ... ( سألتني ) عامل إيه و فينك من زمان ؟
ـ الحمد لله ، إنتي اللي عاملة إيه و بتعملي إيه هنا ؟
ـ زي ما أنت بتعمل بالظبط ، قول قول ( هتفت ) كفاية .... حرام ....
ـ أيوة بس أنا بأقول كفاية و حرام للناس اللي بيكسروا عربيتي ، لكن أنتي بتقولي كفاية إيه و حرام على إيه ؟
ـ بأقولها للناس اللي بيقولوا كفاية لحسن شحاتة ....
ـ ليه ؟ ما هو الصراحة كفاية كده قوي على حسن شحاتة و على اللي عمله فينا ، لأ و قال إيه عاوز ابنه كريم كمان هو اللي يدرب المنتخب من بعده ....
ـ أيوة يا أستاذ ، بس ما تنساش إن الراجل ده هو اللي جاب لنا كأس إفريقيا تلات مرات و البطولة العربية ده غير ......
ـ أيوة و هو برضه اللي جاب لنا الوكسة و خرجنا من كاس العالم ، صح و الا أنا بافتري عليه ؟ ده غير إننا بقينا ملطشة للرايح و الجاي ...
ـ يا ناس حرام عليكم ، مش ده نفسه حسن شحاتة اللي نزلتوا الشارع و قعدتوا تهتفوا له في كاس القارات ؟ مش ده برضه اللي غلب إيطاليا و بهدل البرازيل ؟ و إلا أنتوا زي القطط تاكل و تنكر ؟
ـ برضه كفاية عليه كده الصراحة ، عاجبك يا خالة لبيبة الغلا اللي احنا فيه ده ؟ دي أسعار اللاعيبة ولعت نار ، ده غير تشفير المباريات ، طب بذمتك الناس ها تتفرج على كورة و الا تستمتع بالماتشات إزاي ؟
ـ و هو اللي خلى ديون مصر وصلت ل 600 مليار جنيه ؟ و هو اللي خلى تلت الجماهير تحت خط الفقر ؟ و هو اللي هرب 300 مليار دولار بره مصر؟ و هو السبب في إن الدولار بقى بستة جنيه ؟ و هو كمان اللي خلانا ندخل موسوعة جينيس في أعلى نسبة سرطان و بلهاريسيا و دبحة صدرية و سكر و ضغط و فشل كلوي و شلل أطفال و اكتئاب في العالم ؟ و هو اللي خلانا نبقى أعلى نسبة تلوث في الهوا و المية في العالم ؟ و هو السبب في البطالة و الطلاق و العنوسة و الانتحار و الدروس الخصوصية و الكتب الخارجية و الجامعات الخاصة و أطفال الشوارع و العشوائيات و غرق العبارات و حرايق المسارح و حوادث القطورات و موت العيال الطفشانين في البحر ؟ و هو كمان سبب الرشوة و المحسوبية و توريث الوظايف و التحرش بالستات و المخدرات و البلطجة و الجواز العرفي و الستات اللي بتقتل اجوازها و الجرايد و المجلات و القنوات الوسخة ، و هو السبب في تزوير الانتخابات و الاعتقالات و التعذيب لحد الموت و انتهاك حقوق الحيوان ، و هو سبب خساير توشكي و أبو طرطور و شركات القطن و النسيج و سكك الحديد ؟
أما عجيبة و الله ، مش أنتم اللي عملتوا ده كله ؟ و ناس منكم اللي عملوا كل الحاجات دي ؟
و حتى حسن شحاتة ده مش واحد منكم ؟ و إلا إحنا جايبينه من إيران و إلا من إسرائيل ؟
مش مصري زيه زيكم ؟ و شوقي غريب ده منين ؟ مش مصري زيكم ؟ و أحمد سليمان و حمادة صدقي مش مصريين زيكم ؟
و كل واحد ماسك أيتها حاجة في مصر ، جاي منين ؟ مش منكم فيكم ؟
يا عالم يا هوه حرام عليكم ،
علي النعمة ده لو مين كان طفش منكم و من عمايلكم ،
الراجل ها يعمل إيه و إلا إيه و إلا إيه ؟
المفروض بقى إنه يعمل من نفسه تمانيين مليون نسخة و إلا يحط لكل واحد م الشعب عسكري ورا قفاه ؟ عشان اللي يغلط يلدعه أول بأول ؟
و الله أنتوا عالم تخافوا ما تختشوش ...
ـ و الله إنتي اللي بتستهبلي يا خالة لبيبة ، أمال نجيب شماعة منين نعلق عليها بلاوينا إن شاء الله ؟ أمال هو ماسك المنتخب ليه ؟ مش عشان نقعد نشتم فيه و نلعن أبو خاشه و لما أي حاجة تحصل نشيلها له زي مصيلحي ؟ أمال هو شغلته إيه ؟ مش كفاية كاتم على قلبنا بقاله ستين سنة ؟ عاوزة إيه تاني ؟ و بعدين المفروض أصلا يبقى فيه تداول للمدربين ، ليه ما نديش فرصة لهاني رمزي مثلا ، على الأقل الراجل ده راجع من بلاد بره و يقدر يوصلنا لكاس العالم ، أو حتى الشيخ طه و إلا الشيخ مختار مختار ، و إلا عشان مربين دقونهم يبقوا كفروا ؟ و إلا طالما البرازيل مش راضية عنهم يبقى خلاص ؟ لأ و ستين لأ ، كفاية عليه قوي كده ....
( نظرت إلى خالتي لبيبة ، فإذا بها تضع إصبعها أسفل ذقنها و تخلع قناعها )
ـ مالك يا خالة لبيبة ؟ مالك ؟؟؟؟
( و إذا بوجه أحد ضباط أمن استاد القاهرة يخرج من وراء القناع يصرخ )
ـ لبيبة مين يا ابن الوزة ؟؟؟؟؟؟؟ إنت بتتكلم في السياسة ؟؟؟؟؟؟؟
ـ سياسة مين يا عم الحاج ؟؟؟؟ و الله العظيم ما حصل ..... دا أنا لا مؤاخذة باتكلم في الكورة ...
ـ أمال تقصد مين بحسن شحاته و ابنه كريم اللي عاوزه يمسك المنتخب من بعده ؟ تكونش فاكرني أهبل و إلا مختوم على قفايا ( شلح قفاه متسائلا ) شوف الختم كده شوف ؟؟؟؟
( و إذا بالعساكر الذين يحيطون بالملعب عند كل مباراة يلتفون حولي ينهالون علي ضربا بعصيهم ، أخذت أصرخ من شدة الألم )
ـ عاش حسن شحاتة زعيم هيئة الأمم الكروية الرياضية العربية المتحدة الديمقراطية ، يعيش يعيش يعيش .........
دارت الدنيا من حولي فلم أشعر بشيء بعدها
ههههههههههههههههه )
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
scream 39

avatar

|| تآريخ تسجيلي بآلمنتدي ♥ : 19/11/2010
|| عدد مشآآركاتي ♥ : 680
|| الجّّنس ♥ : انثى
|| الأقامة ♥ :
|| عدد نقآآطي ♥ : 1261
|| آلعمرـرـر ♥ : 22
|| موقعـــے ♥ : ام الدنيا

مُساهمةموضوع: رد: لبيبة الهبلة و كريم حسن شحاتة   الأربعاء نوفمبر 24, 2010 10:05 pm

هههههههههههههههههه
حلووووووووووووووووووووووة اوي ياتوتا
وفيها كلام كبير اوي

تسلم ايدك ياقمر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حدوتة مصرية

avatar

|| تآريخ تسجيلي بآلمنتدي ♥ : 18/11/2010
|| عدد مشآآركاتي ♥ : 31
|| الجّّنس ♥ : انثى
|| الأقامة ♥ :
|| عدد نقآآطي ♥ : 95
|| آلعمرـرـر ♥ : 22

مُساهمةموضوع: رد: لبيبة الهبلة و كريم حسن شحاتة   الخميس نوفمبر 25, 2010 9:09 am

ميرسى ليكى يا قمر
:mnawer:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هدايه

avatar

|| تآريخ تسجيلي بآلمنتدي ♥ : 17/11/2010
|| عدد مشآآركاتي ♥ : 106
|| الجّّنس ♥ : انثى
|| الأقامة ♥ :
|| عدد نقآآطي ♥ : 203
|| آلعمرـرـر ♥ : 22
|| موقعـــے ♥ : فى بتنا

مُساهمةموضوع: رد: لبيبة الهبلة و كريم حسن شحاتة   الخميس نوفمبر 25, 2010 12:12 pm

ههههه
جميلة يا توتا

شكرا ليكى يا عثل هههههه hunny
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حدوتة مصرية

avatar

|| تآريخ تسجيلي بآلمنتدي ♥ : 18/11/2010
|| عدد مشآآركاتي ♥ : 31
|| الجّّنس ♥ : انثى
|| الأقامة ♥ :
|| عدد نقآآطي ♥ : 95
|| آلعمرـرـر ♥ : 22

مُساهمةموضوع: رد: لبيبة الهبلة و كريم حسن شحاتة   الخميس نوفمبر 25, 2010 2:50 pm

ميرسى ليكى يا هداية والله انتى اللى عثل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لبيبة الهبلة و كريم حسن شحاتة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات موجة العرب :: ۩ الساحة الثقافيه والادبيه ۩ :: ღ الـقـصــص والـروايـــاتღ-
انتقل الى: